Էլեկտրոնային դաջվածքը հագեցրել են հիշողությամբ

Ինժեներները վերջին հինգ տարիներին մշակում են էլեկտրոնային դաջվածքները: Բարակ ժապավենը փակցնում են մարդու մաշկին, որն ընդհանրապես չի խանգարում կրողին, փոխարենը ամբողջ ժամանակ հսկում է նրա առողջական վիճակը:

Այս սաքավորման շնորհիվ հնարավոր է վերահսկել ջերմաստիճանի տատանումները, արյան ճնշումը և շատ այլ ցուցանիշներ, փոխանցում է vesti.ru-ն:

Որոշ «դաջվածքներ» կարող են ճիշտ չափաբաժնով դեղորայք տալ, սակայն, դրանցից և ոչ մեկը նախկինում հիշողությամբ հագեցված չի եղել:

Տեխասի համալսարանի մասնագետների կողմից ստեղծված այս սարքավորման շնորհիվ ապագայում ավելի հեշտ կլինի օգնել այն հիվանդներին, ովքեր շարժողական համակարգի խնդիրներ ունեն, ինչպիսիք են Պարկինսոնի հիվանդությունը, էպիլեպսիան:

Այս սարքավորումը մանրամասնորեն նկարագրված է Nature Nanotechnolog ամսագրում:

Նշենք, որ նորույթը դեռ նախատիպի փուլում է գտնվում և չի կարող փորձարկվել կամավոր հիվանդների վրա: 

Հարցեր, պատասխաններ, մեկնաբանություններ